ROKOL Epoksid Döşəmə Örtüyü Son Qat

Epoksid qətranı əsaslı, iki komponentli, tərkibində solvent olmayan, son qat kimi istifadə olunan, parlaq, öz-özünə yayılan beton döşəmə örtüyüdür.

Sənayenin bütün sahələrində, xəstəxanalarda,qida fabriklərində və zavodlarda son qat Epoksid döşəmə örtüyü olaraq istifadə olunur.

Səthin hazırlanması: Səth öncə yağlardan, çirkdən və köhnə boyadan təmizlənməlidir. Təmiz və quru olmalıdır. Əgər səthə yeni beton tökülübsə, ən az 21 gün gözlənilməlidir. Səthdə nahamarlıq varsa, makina ilə düzəldilməli, hamar vəziyyətə gətirilməlidir. Səthdə rütubət, nəm və toz olmamalıdır. Betonun nəmliyi 4%-dən aşağı, mühitin nəmliyi isə 80%-dən aşağı olmalıdır. Məhsulun istifadəsi zamanı mühitin temperaturu +10°C-dən aşağı və +30°C-dən yuxarı olmamalıdır.

Qarışığın hazırlanması: Məhsulun istifadəsi zamanı B komponent A komponent üzərinə əlavə edilərək, aşağı dövriyyəli mikserlə 2-3 dəqiqə qarışdırılır, hava qabarcıqlarının çıxması üçün 3-5 dəqiqə gözlənilib istifadə olunur. Qarı­şığın miqdarı istifadə oluna biləcək miqdarda hazırlanmalıdır, çünki işçi qüvvəsi az, hazır məhsul isə çox olarsa, qarışım sərtləşə bilər.

Öncə səthə, solventsiz epoksid şəffaf astarı tətbiq edilməlidir. Məhsulun sərfiyyatı səthin quruluşundan, örtüyün qalınlığından asılı olaraq dəyişir. Astar səthə qısa tüklü vərdənə və ya daraqlı mala ilə tətbiq edilməlidir.  24 saat sonra rəngli, Ral koduna uyğun ara qat tətbiq edilir. 24 saat sonra ara qatın rənginə uyğun olaraq, son qat döşəmə örtüyü daraqlı mala ilə və ya vərdənə ilə tətbiq edilir və tikanlı vərdənə ilə hava qabarcıqları alınır. Səth tam olaraq 24 saata quruyur və 7 günə sərtləşir. 7 gündən sonra səth istifadəyə hazırdır.

Tərkibi:                  Epoksid qatranı əsaslı

Rəngi:                    Ral koduna uyğun istənilən rənglərdə

Quruma müddəti:

Tam quruma:        24 saat

Sərt quruma:        6-7 gündən sonra

Qablaşdırma:

Komponent A:      14 kq Net

Komponent B:      3.5 kq Net

Astar üçün:        0,2 -0,4 kq/m²

Ara qat üçün:    ən az 0,3 mm qalınlıqda 0.48 kg/m², 1 mm qalınlıq üçün 1.6 kg/m²,

Son qat üçün:    0,8-1.2 kq/m²

Sərin, quru və qapalı yerlərdə +10-30°C-də 1 ildir.

H315 - dərinin qıcıqlanmasına səbəb ola bilər.

H319 - ciddi göz qıcıqlanmalarına səbəb olur.

P261 – Toz, duman, qaz buxarı ilə tənəffüs etməməyə diqqət edin.

P273 - ətrafa tökülməsinin qarşısını alın.

P280 – Boya buxarının nəfəsə daxil olmaması və həmçinin dəriyə və gözə düşməməsi üçün fərdi mühafizə vasitələrindən istifadə edin.

P303+P361+P353 - dəri (və ya saç) ilə təmasda olduqda geyiminizi çıxarın , dərinizi su ilə yuyun

P333+313 - dəridə qıcıqlanma və ya qızartı olarsa həkimə müraciət edin

P403+P235 – Yaxşı havalandırma olan yerdə saxlayın

P501 – Qabı dövlətlərarası standarta uyğun olaraq məhv edin.